متيجوا نتفق
إننا نحافظ على الصلاة ومنضيعهاش ولا نفرط فيها
دى أول حاجة هنتحاسب عليها.
متيجوا نتفق
إننا منزعلش حد من أهلنا مهما كان السبب
دى الأخلاق الحلوة هى اللى بتنفع صاحبها.
متيجوا نتفق
إننا منجيبش فى سيرة الناس ولا نطلع أى سر
ده حتى كل واحد فينا عنده أسرار برده.
متيجوا نتفق
إننا نجتهد سواء فى مذاكرتنا أو فى شغلنا
ده واجب علينا ولازم نأديه بإتقان.
متيجوا نتفق
إننا نقف جنب بعضنا ومنتخلاش عن بعض
ده حتى إحنا صحاب وإخوات.
متيجوا نتفق
إننا نتكلم بصراحة دايما بس بزوق وبلاش كدب
ده حتى الكدب وحش قوى.
متيجوا نتفق
إننا نفضل نفكر فى حاجات تفيد المنتدى وتفيدنا
ده المنتدى بتاعنا ولازم نطوره ونحافظ عليه.
متيجوا نتفق .. متيجوا نتفق .. متيجوا نتفق ..
وبلاش نختلف وحتى لو اختلفنا متيجوا نتفق إننا نراعى شعور بعض ونحترم بعض.
وأخيرا
متيجوا نتفق
إن كل واحد يقول رأيه فى الموضوع وفى المناقشة دى
ده حتى أنا مألفه
يــــارب يعجبكم