سمعت كتير عن المثل ده بس كان نفسي اني افهم قصته ايه وبالصدفة عرفت
الحكايه ان كان في حراميه بيسرقوا بيوت في مصر زمان ولما كانوا بيسرقوا في مرة طلع عليهم كلب فواحد منهم رمي الكلب بالطوبة فجري ورجع تاني فرمي التاني له حتة لحمة فكلها الكلب وقعد معاهم بعد كدة وبقي صاحبهم اوي وكان هو اللي بيدافع عنهم لما كانو بيسرقوا وحد من الناس يجري وراهم ومرت الايام ومات الكلب فراحوا يدفنوا الكلب ده في المدافن وفجأه طلع عليهم ناس فمرضوش يقولوا ان ده كلب وهما بيدفنوه فقالوا ان ده ولي من اولياء الله
وليه كرامات كتير وبدأوا يألفوا عن الولي كرامات والناس اهتمت بالموضوع وبنوا له مقام
وبقي الحراميه دلوقتي خدام مقام الولي وبقت الناس تيجي وتدفع فلوس عشان كرامات وحاجات زي كدة والحراميه كانوا بيقسموا الفلوس بالنص وتابوا عن السرقة وفي مرة من المرات الفلوس كانت كتير فقال واحد منهم للتاني سيدنا الولي جالي امبارح وقال لي اني خد الفلوس ليك وروح اديها لوحدة عجوزة في القريه
فضحك صاحبنا التاني وقال :سيدنا الولي مين >داحنا دفنينه سوا
المهم من الموضوع اني اتكلم عن الناس اللي بيصدقوا كل حاجة تتقال لهم وخصوصا لو فيها اولياء وكرامات والمشكلة اننا شعب طيب وعلي نياته وبنصدق اي حاجة يا ريت يا جماعه احنا نحارب الموضوع ده وما نصدقش اي حاجة تتقال وخصوصا ان احنا ناس كبيرة ومتعلمة وعيب اوي علينا ان احنا نصدق اي حاجة
يا ريت يا جماعه اعرف رأيكوا لو اتقال ليكوا الكلام ده ؟؟؟؟؟؟؟؟؟
عاشق الورود
موضوع: دافنينه سوا 
الإثنين أبريل 27, 2009 11:16 am
