فى لية الفكر صحانى وفوقنى وخلانى
مسكت مذكرات ليا انا اللى كاتبها باديا
قاعدت لوحدى اقراها
تفكرنى بسنين عدت وسنين جريت ولا هدت
فضلت اقلب فى الصفحات ...لقيت فى حاجات مابكتبهاش
كتبت عن اللى جرحنى ..وضيعنى...وهنت علية
كتبت عن اللى حبيتة...وودعنى ..وكنت شارية
وكام غلطة .. وكام ورطة...وكام حاجه ماعديتهاش
ونسيت اكتب آذان الفجر كام مرة ماقومنيش
نسيت اكتب سمعت فى عمرى كام آية مهزتنيش
ونسيت اكتب كام ركعة فى حياتى ماصلاتهاش
ســـــامحنى يارب
شبابى كان ملهينى متوهنى منسينى
بأن العمــــــــر مش باقى
وكنت على اللذنوب بحكى لا انا بندم ولا ببكى
وبتباهى بأخطائى
وكأن مكنش جوايا قلب ولا ضمير
ســـــامحنى يارب