لو حصل لحد فيكم موقف من 9 مواقف ديه هتعمل ايه

انا شفت ليكم موضوع عجبنى حبيت انقله عشان تشركونى فيه برايكم



لازم .. وانت بتحب .. تتعرض لمواقف غريبه
ولاحداث مختلفه .. يا اما بتضيف ليك ولحبيبك
يا اما ممكن تخلى الدنيا اصعب عليكم جدا
هو ده الهدف ... انك تتوقع تصرفاتك فى المواقف دى
موش ( جايز ) يحصل معاك واحد منهم .. عالاقل تبقى تخيلته قبل كده
او عالاقل تعرف غيرك ممكن يعمل ايه .. ويعجبك تصرفه
فبالتالى تتصرف صح
هو ده الموضوع المرادى ويارب يعجبكم
( على فكره الاسئله دى للبنات والولاد .. يعنى كل واحد يتخيل السؤال عليه هو )

نبدا اول موقف ...
( 2 )

مامتك .. ربنا يخليهالك طبعا ... بس هى حد عسول كتير وبيحب يعرف عن ولاده كل حاجه ... فى مره انت نايم .. وموبيالك جايله اتصال من حبيبتك . فراحت مامتك ردت عليه .. ( وانت قايل لمامتك على حبيبتك ) .. بس هى ردت عليها وقعدت تسالها بقى اسأله من اسأله الماماهات الخبيثه دى .. فحبيبتك زعلت ...
حتعمل ايه وحتتصرف ازاى .. وانتى لو حصل معاكى نفس الموقف ... حتعملى ايه لحبيبك ؟

( 2 )
كنت فى مره بتكلم حبيبتك .. فلقيتها نايمانه خالص بس ردت عليك .. وانتا صعب عليك انك صحيتها فقعدت بقى تدلعها وتقولها نوم الهنا .. ومعلش لو صحيتك والحاجات دى
بس راحت هى ( وهى موش فى وعيها ) قالتلك مثلا على سبيل المثال
تسلملى يا احمد يا حبيبى .. وطبعا انتا ما اسمكش احمد !!
حتعدى الموضوع .. ولا حتبقى مشكله كبيره (بس تعدى ) ... ولا حتبقى النهايه
وحتتصرف ازاى اساسا ... خد بالك من حاجه .. انها كانت ( نايمه ) ؟
وانتى تعملى ايه لو حصل معاكى نفس الوضع وقالك يا منى ؟؟؟


( 3 )
يا ترى انتا بتتحرج .. لما مثلا تكون فى اماكن عامه ومعاك حبيبتك
او خطيبتك . وتبص تلاقى نفسك محاصر بشافاطين البقشيش والحاجات دى
زى مثلا سايس العربيات .. او بياعين الورد .. او المتر الى فى الكافيه وهو بيبتسم بسمه صفره وسمجه اخر حاجه ... ولا بتتصرف بطبيعتك تماما .. زى كانها موش موجوده تماما معاك ...؟... . ولا بتخاف تقول عليك بخيل .. وانتى بقى بتحبيه يعمل ايه مع الناس دول ..؟؟

( 4 )
لو فى يوم .. انتم خارجين سوا كأسره .. انتى واهلك ورحتم قعدتم فى مطعم او كافيه تتغدو او تشربوا حاجه ... وحضرتك بكل بساطه وتلقائيه بتبصى وراكى .. لقيتى حبيبك قاعد مع اصحابه فى الترابيزه اللى جنبكم علطول .. حتتصرفى ازاى ؟؟؟وانتى ( غالبا ) موش حتبقى قايله لحد فى البيت ان ده حبيبك .. حتبينيله ولا لا ولا حتعملى ايه .. وانتا يا كوتش .. لو ده حصل معاك حتعمل ايه ؟؟ وحتتصرف ازاى؟؟

( 5 )
حبيبتك ... هاى هاى كلاس .. وبتحب اوى تصرف ما فى الجيب علشان تشوف ما فى الغيب ...وعندها انها تقعد على كافيه عادى .. او متوسط .. دا حاجه ككبيييره اوى عندها .. وانت يا كوتش فى اخر الشهر وموش معاك فلوس كتير
وطبعا هى عايزه تخرج معاك .. حتقولها يا حبيبتى انا موش معايا فلوس كتير فا ايه رايك لو نقعد على كافيه متوسط .. ولا حتقصر من الاول وتتحجج باى حجه انكم ما تخرجوش حفظا لماء الوجه .. حتعمل ايه وحتتصرف ازاى
وانتى تعملى ايه .. لو شكيتى من كلامه انه بيتحجج للسبب ده ؟؟؟

( 6 )
انت يوم الفلانتاين .. مكانش معاك فلوس كتير ...وروحت تقابل حبيبتك .. وافترضت ان حبيبتك موش حتجيبلك حاجه .. لانكم مثلا بقالكم مده كبيره اوى مع بعض فموش محتاجين الشٌده اللى بتبقى فى اول فلانتاين ولا التانى دى فى عمر حبكم..بس انتا اتفاجئت تماما بانها جايبه هديه غاليه جدا وقيمه جدا ليك ....
حيحرجك ده .. ولا حيبقى عادى .. وحتبرر موقفك ولا لأ ؟؟ ...وحتعمل اييييييييه
وحيبقى تصرفك ازاى ....

( 7 )
واحده يا سيدى عماله تطاردك .. وواقعه فيك اخر حاجه .. وعماله بس كل حلمها واملها فى الدنيا انك بس تكون ليها صديق ( بعد ) ما فشلت انها تخليك حبيب
وفى مقابل ده ... حصلتلها مشاكل كتير صحيا .. ودخلت المستشفى .. وحياتها باظت .. وانت طبعا ( امين جدا ) وبتقول لحبيبتك التطورات لحظه بلحظه .. وفى نفس الوقت حبيبتك زعلانه بينها وبين نفسها ... لانها برضه بتحبك وبتغير عليك
لكن انتا واقع بين مصيده ان البنت التانيه .... تعبانه وممكن اى تصرف عشوائى ياذيها جدا .. وفى نفس الوقت ابتديت تحس ان حبيبتك اتخنقت منك .. حتعمل ايه وحتتصرف ازاى
وانتى لو ده حصل معاكى ... تعملى ايه مع الولد اللى بيحبك التانى ده ومع حبيبك؟

( 8 )
لو فى مره انت خارج مع حبيبتك .. وقاعدين مبسوطين اخر حاجه
والحياه تمام.. فراح موبايلها رن .. وكلمها حد من البيت وقالها ما تتاخريش ولازم تيجى بدرى او كده ... فبالصدفه ومن السرعه اللى هى كانت فيها نسيت موبايلك معاها.. وهى ركبت وروحت وانت روحت .. وما اكتشفتش الا متاخر... حتعمل ايه ... وحتتصرف ازاى ؟؟

( 9 )
من كتر مانتى حكيتى لصاحبتك عن حبيبك .. ومن كتر مانتى قاعده تشكرى في اخلاقه وحنيته عليكى واهتمامه بيكى وشخصيته وتفكيره .. الخ
صاحبتك . قارنت حبيبك بحبيبها .. لقت انها عايشه فى جحيم
واستمرت الحياه .. بس حبيبها فيوم زعلها .. فكانت فى مره معاكى وقابلتوه .. بس انتى سيبتيه ( مؤقتا ) علشان حاجه وراكى ..( محاضره .. شغل .. اى حاجه ) يعنى
وهو لازم يستناكى .. فرجعتى لقيتيها بتعيط .. وعماله تحكيله
وبعدها سابتكم ومشيت .. ومن ساعه ما مشيت لحد ما سابك وهو عمال يتكلم عنها وانها مظلومه .. وازاى حبيبها يعمل كده و و ومنفعل ... تعملى ايه .. تقولى دى حنيه زياده وانه حد حساس
ولا تعمليها حكايه .. وما تعديش .. خلى بالك انها صحبتك ..وهو حبيبك؟
وانت تعمل ايه لو حصل معاك ده ؟

مامتك .. ربنا يخليهالك طبعا ... بس هى حد عسول كتير وبيحب يعرف عن ولاده كل حاجه ... فى مره انت نايم .. وموبيالك جايله اتصال من حبيبتك . فراحت مامتك ردت عليه .. ( وانت قايل لمامتك على حبيبتك ) .. بس هى ردت عليها وقعدت تسالها بقى اسأله من اسأله الماماهات الخبيثه دى .. فحبيبتك زعلت ...
حتعمل ايه وحتتصرف ازاى .. وانتى لو حصل معاكى نفس الموقف ... حتعملى ايه لحبيبك ؟

طبعا هصالحها واقولها متزعليش يا قلبى وكده وهخليها مش تضايق واقولها ماما كانت بتهزر معاكي يعني وهي بتحبك كتير وعارفه انك هتبقى مرات ابنها بعد كده وهيعدى الموضوع عادي بيس يعني

( 2 )
كنت فى مره بتكلم حبيبتك .. فلقيتها نايمانه خالص بس ردت عليك .. وانتا صعب عليك انك صحيتها فقعدت بقى تدلعها وتقولها نوم الهنا .. ومعلش لو صحيتك والحاجات دى
بس راحت هى ( وهى موش فى وعيها ) قالتلك مثلا على سبيل المثال
تسلملى يا احمد يا حبيبى .. وطبعا انتا ما اسمكش احمد !!
حتعدى الموضوع .. ولا حتبقى مشكله كبيره (بس تعدى ) ... ولا حتبقى النهايه
وحتتصرف ازاى اساسا ... خد بالك من حاجه .. انها كانت ( نايمه ) ؟
وانتى تعملى ايه لو حصل معاكى نفس الوضع وقالك يا منى ؟؟؟

هقولها احمد .... شكلك نسيتي اسمى .... هقولها ايه يعني؟؟ عادي يعني هعدى الموضوع عادي

ولما تقوم من النوم وتبقى فايقة اكلمها بقى واقولها انتي قولتلي يا احمد مين احمد لو قالتلي سوري يا حبيبي غلطت في الاسم عشان كنت نايمة ومش مركزة هعدى الموضوع بس هحطها في اختبار ..

( 3 )
يا ترى انتا بتتحرج .. لما مثلا تكون فى اماكن عامه ومعاك حبيبتك
او خطيبتك . وتبص تلاقى نفسك محاصر بشافاطين البقشيش والحاجات دى
زى مثلا سايس العربيات .. او بياعين الورد .. او المتر الى فى الكافيه وهو بيبتسم بسمه صفره وسمجه اخر حاجه ... ولا بتتصرف بطبيعتك تماما .. زى كانها موش موجوده تماما معاك ...؟... . ولا بتخاف تقول عليك بخيل .. وانتى بقى بتحبيه يعمل ايه مع الناس دول ..؟؟

عادي جدا انا بحب اصلا اصرف وكده وكمان مش بيفرق معايا والفلوس ولا بيفرق معايا الناس المهم ابقى شايفها هي وبس قدامي

( 4 )
لو فى يوم .. انتم خارجين سوا كأسره .. انتى واهلك ورحتم قعدتم فى مطعم او كافيه تتغدو او تشربوا حاجه ... وحضرتك بكل بساطه وتلقائيه بتبصى وراكى .. لقيتى حبيبك قاعد مع اصحابه فى الترابيزه اللى جنبكم علطول .. حتتصرفى ازاى ؟؟؟وانتى ( غالبا ) موش حتبقى قايله لحد فى البيت ان ده حبيبك .. حتبينيله ولا لا ولا حتعملى ايه .. وانتا يا كوتش .. لو ده حصل معاك حتعمل ايه ؟؟ وحتتصرف ازاى؟؟

هفضل باصص ليها ومش هنزل عيني من عليها

( 5 )
حبيبتك ... هاى هاى كلاس .. وبتحب اوى تصرف ما فى الجيب علشان تشوف ما فى الغيب ...وعندها انها تقعد على كافيه عادى .. او متوسط .. دا حاجه ككبيييره اوى عندها .. وانت يا كوتش فى اخر الشهر وموش معاك فلوس كتير
وطبعا هى عايزه تخرج معاك .. حتقولها يا حبيبتى انا موش معايا فلوس كتير فا ايه رايك لو نقعد على كافيه متوسط .. ولا حتقصر من الاول وتتحجج باى حجه انكم ما تخرجوش حفظا لماء الوجه .. حتعمل ايه وحتتصرف ازاى
وانتى تعملى ايه .. لو شكيتى من كلامه انه بيتحجج للسبب ده ؟؟؟

عمري ما هتعرض للموقف ده ......

( 6 )
انت يوم الفلانتاين .. مكانش معاك فلوس كتير ...وروحت تقابل حبيبتك .. وافترضت ان حبيبتك موش حتجيبلك حاجه .. لانكم مثلا بقالكم مده كبيره اوى مع بعض فموش محتاجين الشٌده اللى بتبقى فى اول فلانتاين ولا التانى دى فى عمر حبكم..بس انتا اتفاجئت تماما بانها جايبه هديه غاليه جدا وقيمه جدا ليك ....
حيحرجك ده .. ولا حيبقى عادى .. وحتبرر موقفك ولا لأ ؟؟ ...وحتعمل اييييييييه
وحيبقى تصرفك ازاى ....

انا الصراحة مش لاقي نفسى في الموقف ده لاني اصلا هجبلها هدايا على طول بس يعني لو انا في الموقف ده اكيد هتكسف وهبرر موقفى بأي طريقة هعرف اتصرف يعني يا اما اقولها سوري يا حبيبة قلبى وانا جيلك المحل اللي كنت هشتري منه لقيته قافل وملقتش مكان تاني وكنت متأخر اوعدك هجبهالك في يوم تاني واكيد هى مش هتعارض يعني او هتضايق

( 7 )
واحده يا سيدى عماله تطاردك .. وواقعه فيك اخر حاجه .. وعماله بس كل حلمها واملها فى الدنيا انك بس تكون ليها صديق ( بعد ) ما فشلت انها تخليك حبيب
وفى مقابل ده ... حصلتلها مشاكل كتير صحيا .. ودخلت المستشفى .. وحياتها باظت .. وانت طبعا ( امين جدا ) وبتقول لحبيبتك التطورات لحظه بلحظه .. وفى نفس الوقت حبيبتك زعلانه بينها وبين نفسها ... لانها برضه بتحبك وبتغير عليك
لكن انتا واقع بين مصيده ان البنت التانيه .... تعبانه وممكن اى تصرف عشوائى ياذيها جدا .. وفى نفس الوقت ابتديت تحس ان حبيبتك اتخنقت منك .. حتعمل ايه وحتتصرف ازاى
وانتى لو ده حصل معاكى ... تعملى ايه مع الولد اللى بيحبك التانى ده ومع حبيبك؟


موقف صعب جدا بس هحاول اكون مع الاتنين لاني مش هقدر اظلم البنت اللي مرتبط بيها ولا اقدر اظلم البنت اللي بتحبنى هحاول اكون قريب اوي للي مرتبط بيها عشان متحس اني اتخدت منها وهعامل البنت التانية معاملة كويسة بس مش تحس اني بشفق عليها او تحس اني معجب بيها خير الامور الوسط
( 8 )
لو فى مره انت خارج مع حبيبتك .. وقاعدين مبسوطين اخر حاجه
والحياه تمام.. فراح موبايلها رن .. وكلمها حد من البيت وقالها ما تتاخريش ولازم تيجى بدرى او كده ... فبالصدفه ومن السرعه اللى هى كانت فيها نسيت موبايلك معاها.. وهى ركبت وروحت وانت روحت .. وما اكتشفتش الا متاخر... حتعمل ايه ... وحتتصرف ازاى ؟؟

عادي جدا هتصل بيها وهقولها يا حبيبي الموبيل بتاعي معاكي نسيته خليه معاكي لحد لما اشوفك تاني واخده منك مفيش مشكلة يعني

( 9 )
من كتر مانتى حكيتى لصاحبتك عن حبيبك .. ومن كتر مانتى قاعده تشكرى في اخلاقه وحنيته عليكى واهتمامه بيكى وشخصيته وتفكيره .. الخ
صاحبتك . قارنت حبيبك بحبيبها .. لقت انها عايشه فى جحيم
واستمرت الحياه .. بس حبيبها فيوم زعلها .. فكانت فى مره معاكى وقابلتوه .. بس انتى سيبتيه ( مؤقتا ) علشان حاجه وراكى ..( محاضره .. شغل .. اى حاجه ) يعنى
وهو لازم يستناكى .. فرجعتى لقيتيها بتعيط .. وعماله تحكيله
وبعدها سابتكم ومشيت .. ومن ساعه ما مشيت لحد ما سابك وهو عمال يتكلم عنها وانها مظلومه .. وازاى حبيبها يعمل كده و و ومنفعل ... تعملى ايه .. تقولى دى حنيه زياده وانه حد حساس
ولا تعمليها حكايه .. وما تعديش .. خلى بالك انها صحبتك ..وهو حبيبك؟
وانت تعمل ايه لو حصل معاك ده ؟

الصراحة مش هحسها انها حنية زيادة بس المفروض يبقى في حدود برضه في الكلام والموضوع هيعدى يعني

مش هقفش على كل حاجة واعملها مشكلة عشان انا واثق في حبيبتي فا اكيد مش هضايق لاني عارف انها مخلصة ليا

تسلم ايديكي يا سومة على المواضيع المميزة دي

ومنتظرين المزيد من ابداعك

يا جامددددددددددددددددددددد يا ميدووووووووووووووو
ايه ياعم الردود ديه عديت بأمتياز نورت الموضوع